Brasiliaanse digter, essayis,
komponis en diplomaat
Alma mater
Universiteit van die Deelstaat Rio de Janeiro (UERJ)
Universiteit van Oxford
Literêre stroming
Simbolisme, modernisme (onder andere)
Musiekgenre
Bossa nova, samba, Música Popular Brasileira (MPB)
Amptelike webtuiste
viniciusdemoraes.com.br
Vinicius de Moraes ([viˈnisjuʃ dʒi moˈɾajʃ], gebore as Marcus Vinicius de Moraes, die afwykende spelling Vinícius de Moraes kom eweneens voor; * 19 Oktober 1913 in Gávea, Rio de Janeiro; † 9 Julie 1980 in Rio de Janeiro) was 'n Brasiliaanse digter, essayis, toneelskrywer, joernalis, sanger en komponis wat 'n beslissende invloed op die ontwikkeling van moderne Brasiliaanse literatuur en musiek uitgeoefen het. Hy het internasionale bekendheid verwerf met sy bossa nova-komposisies en die toonsetting van sy gedigte.
Danksy 'n studiebeurs, wat deur die British Council aan hom toegeken is, het Vinicius de Moraes die geleentheid gekry om Engelse taalkunde en literatuur aan die Universiteit van Oxford te studeer. Hy was vervolgens werksaam by die BBC te Londen.[1] Naas sy skryfwerk het hy 'n diplomatieke loopbaan gevolg en poste in Brasilië se diplomatieke sendings in Los Angeles, Montevideo, Parys en Rome beklee.
Brasiliane het aan hom die erebynaam O Poetinha ("die klein digter") gegee. 'n Straat in Rio de Janeiro se befaamde strandbuurt Ipanema (Rua Vinicius de Moraes) is na hom vernoem.
© MMXXIII Rich X Search. We shall prevail. All rights reserved. Rich X Search